2020-04-14 MADI ANNDAN OKTAV PAK LA

MADI ANNDAN OKTAV PAK LA

Réf. pou antré                                                                                    Cf. Sir 15, 3-4

Dlo sajès la té pasé souaf yo;
l-ap rété fèm nan yo, épi li pap panché,
l-ap lévé yo anlè pou tout tan, alélouya.

Yo di  Gloria.

• Priyè

Bondié, ki té ba nou rémèd paskal yo,
rapousuiv pèp ou-a ak kado sièl la,
pou antan-l jouinn libèté ki kòrèk nèt la,
li kontan nan sièl la, nan sa l-ap fété dépi koulié-a sou tè-a.
Pa pouvoua Jézu-Kri. 

Prémié léktu

Fè pénitans, sé pou chak moun nan nou batizé o non Jézu.

Léktu Travay Apot yo                                                                                             2, 36-41

Jou Pannkot la, Piè t-ap di Juif yo :
      « Sètènman sé pou tout kay Israèl la konn sa, Bondié fè-l Granmèt ak Kris, Jézu sa-a nou té klouré sou koua-a ». Lè yo tandé paròl sa yo, yo chagrin nan kè yo, yo di Piè ak lòt Apot yo : « Ki sa pou nou fè, mésié frè nou yo ? »
      Piè minm di yo : « Sé pou nou fè pénitans, sé pou chak moun nan nou batizé o non Jézu, pou padon péché nou yo, n-a résévoua kado Éspri Sin-an. Sèké sé pou nou promès la yé, ansanm ak pitit nou yo, ak tout moun ki louin yo, tou sa Granmèt Bondié nou-an rélé yo ». Ak anpil dòt paròl ankò li t-ap sèvi témouin, li t-ap ankourajé yo, li t-ap di : « Sové lavi nou sot nan jénérasion sa-a ki mové-a ». Moun yo ki té résévoua paròl li-a, yo batizé, jou sa-a té gin apéprè toua mil moun ki vîn tounin disip.

      Paròl Granmèt la. 

Psòm répons                                                                  Ps 32, 4-5. 18-19. 20 ; 22 (R/. 5b)

      R/.  Mizérikòd Granmèt la plin tè-a.

      oubyin :  Alélouya.

⁴     Sèké paròl Granmèt la douat
      tout aksion-l yo nan fidélité,
⁵     Li rinmin jistis ak jijman,
      mizérikòd Granmèt la plin tè-a.  R/. 

¹⁸   Min jé Granmèt la sou moun ki réspékté-l yo,
      sou moun ki éspéré sou kè sansib li,
¹⁹   pou-l délivré nanm yo sot nan lanmò,
      pou-l ba yo manjé nan grangou.  R/. 

²⁰   Nanm nou ap konté sou Granmèt la,
      paské sé sékou nou ak protéksion nou li yé.
²²   Sé pou mizérikòd ou vîn sou nou, Granmèt,
      tankou nou té éspéré nan ou.  R/. 

Kantik (Sékans), si yo vlé :Victimae paschali 

Sé pou Krétyin yo imolé
louanj pou viktim paskal la.

Agno-a rachté mouton yo :
Kris inosan rékonsilié péchè yo ak Papa-a.

Lanmò-a ak lavi-a mélé nan yon batay séré a dé :
chèf lavi-a ki mouri-a ap kòmandé vivan kòm roua.

Di nou, Mari,
ki sa-ou té ouè sou rout la ?

Kavo Kris la ki vivan-an,
ak gloua sa-a ki résisité-a, sé sa mouin té ouè,

Anj yo ki sèvi témouin yo,
mouchoua-a ak rad yo.

Kris la résisité, li minm éspérans mouin-an :
li pran dévan moun li yo nan Galilé.

Nou konnin Kris la résisité vré sot nan pami mò yo :
ou minm, Roua ki ranpòté viktoua-a, pran pitié pou nou. 

Alélouya                                                                                                                 Ps 117, 24

 Alélouya. Jou sa-a Granmèt la fè-a ;
      sé pou nou fété, sé pou nou kontan nan li.   Alélouya. 

Évanjil

Mouin ouè Granmèt la, sé bagay sa yo li di-m.

 Léktu sint Évanjil la dapré Jan                                                                       20, 11-18

Lè sa-a :
      Mari té kanpé bò kavo-a, sou pa déyò, li t-ap kriyé. Pandan l-ap kriyé, li panché, li gadé anndan kavo-a. Li ouè dé Anj an blan ki chita, youn bò tèt la ak lòt la bò pié yo, koté yo té pozé kò Jézu-a. Yo di-l : « Madanm, pouki sa ou-ap kriyé ? » Li di yo : « Sé paské yo pran Granmèt mouin-an, mouin pa konnin koté yo mété-l ». Pandan l-ap di sa, li viré gadé dèyè, li ouè Jézu kanpé ; min li pa-t konnin sé té Jézu. Jézu di-l :  « Madanm, poukisa ou-ap kriyé ?  Kilès ou-ap chèché ? »  Li minm antan-l konprann sé jéran jadin-an, li di li : « Mèt, si sé ou-k té ouété-l, di-m koté-ou té dépozé-l ; épi mouin minm m-a pran-l ».  Jézu di-l : « Mari ! » Li viré, li di-l : « Raboni (sa vlé di Mèt) ! » Jézu di-l : « Pa touché-m ; mouin pa ko monté kot Papa-m. Min al kot frè-m yo, di yo : “M-ap monté kot Papa-m ak Papa nou-an, Bondié-m nan ak Bondié nou-an” ». Mari Madlèn rivé, li anonsé disip yo : « Mouin ouè Granmèt la, sé bagay sa yo li di-m ».

      Paròl Granmèt la. 

• Sou ofrann yo

Kado fanmi ou yo,
tanpri, Granmèt, résévoua yo ak bon kè,
pou gras a sékou protéksion-ou,
non sèlman li pa pèdi sa-l jouinn nan, min li rivé nan kado tout tan yo.
Pa pouvoua Jézu-Kri.

Préfas paskal I.

Lè yo sèvi ak Kanon Romin-an, yo di Communicantes (Granmèt sé ak anpil réspè…) épi Hanc igitur (Granmèt tanpri aksépté sa n-ap ofri-a…) pròp.

Réf. pou kominion                                                                                    Kol 3, 1-2

Si nou résisité avèk Kris la,
sé bagay ki anro yo pou nou chèché
koté Kris la chita adouat Bondié-a;
sé bagay ki anro yo pou nou gouté, alélouya.

• Apré kominion

Kouté nou, Bondié ki gin tout pouvoua, épi kè fanmi ou-an
li minm ou bay gras batèm nan ki kòrèk nèt la,
préparé-l pou-l mérité jouinn kè kontan tout tan-an.
Pa pouvoua Jézu-Kri.