Pou nou kapab konsèvé épi transmèt bay nouvo jénérasion-yo trézò konpozision kantik kréyòl-yo nan l'Égliz-la an Ayiti, paj sa-a ap fè nou tandé yo, jan yo chanté yo nan Kominoté ak Fouayé Charité Sint Mari, dépi 1972.
Tousuit apré Konsil Vatikan II-a, té gin yon déplouaman souf inspirasion l'Éspri-Sin-an ki fè, gras a talan anpil konpozitè, tout Ayisyin t-ap chanté gloua pou Bondié nan lang yo plis palé-a. Konpozitè sa-yo té apuiyé sou sa-k té déja ap fèt nan domèn-nan dépi lontan, an minm tan yo té konprann nésésité pou yo aprann nan min péyizan-yo dékoua pou yo chanté tankou yo, san yo pa néglijé aspè téknik mizik-la.
Nan lang kréyòl ayisyin-an, malgré istoua-l ki soti nan ésklavaj tan kolonial-la épi pétèt poutèt sa tou, gin tout fòs intèlijans, santiman, poézi, sajès ak mizik zansèt nou-yo té poté soti dépi an Afrik é ki vîn rébrasé sou zilé nou-an koté anyin ki bon pa pèdi ladan-l, sitou lè lagras Bondié touché kè épi transfòmé vizion natirèl moun-nan.
Sé ak rékonésans, nou rétiré chapo-nou byin ba dévan tout moun ki té travay nan domèn sa-a - é ki kontinué ap travay - pou Bondié parèt tout an kréyòl nan pèp kréyòl : Konpozitè-yo, Fouayé Charité-a, Léjion Mari-a, etc.
Yon mèsi spésial pou moun ki anréjistré chan-yo ak tanbourinè-a, sé pa profésionèl yo yé, sé pou gloua Bondié ak amou pou péyi-a yo fè sa.
Sé pou Bondié béni nou tout: Fò pèp yo di-ou: Mèsi Bondié! Fò tout moun di-ou mèsi!!!
Pou kounié-a n-ap jouinn paròl (pafoua nòt mizik tou) oubyin MP3 pou chanté sa yo nan liv ki pibliyé koté yo té ranmasé yo:
NR = N-ap Réglé tout bagay an chantan. Liv Sòm, Chanté, Lapriyè Kréyòl Kominoté Sint Mari té rasanblé pou fè tout péyi Dayiti chanté gloua pou Bondié, 1972-2007 (22èm édision).
FL = Flanbo. Chanté Monséyè Frantz Colimon s.m.m. ak Joseph Augustin Kominoté Sint-Mari té rasanblé pou fè tout péyi Dayiti chanté gloua pou Bondié, 1987-2002 (3èm édision).
DM = Disciples Missionnaires Apostoliques de la Sagesse Éternelle et Incarnée. N-ap chanté Bòn Nouvèl Sajès Bondié-a san rété. Mgr. Frantz Colimon, s.m.m., 2009-2015.
FL3 = Paròl ak mizik FLANBO Touazièm séri. Mgr. Frantz Colimon, s.m.m., 2000-2015.
Ékri abréviasion liv-la oubyin yon mo ki nan tit kantik-la épi yon list ap parèt.
